Live, Love and Laugh

Zindagi ek chunauti hai, use sweekar karo

Lehron se darkar nauka paar nahi hoti,
kosish karnewalon ki kabhi haar nahi hoti.
Nanhi chinti jab daana lekar chalti hai,
chadti deewaron par sau baar phisalti hai,
man ka vishwas rago main sahas bharta hai,
chadhkar girna girkar chadhna na akharta hai,
mahenat uski bekaar har baar nahi hoti,
kosish karnewalon ki kabhi haar nahi hoti.
Dubkiyaan sindhu main gotakhor lagata hai,
jaa jaa kar khali haath lautkar aata hai,
milta na moti sahaj hi gehra paani main,
badhta duna vishwas isi hairani main,
muthi uski khaali har baar nahi hoti,
kosish karnewalon ki kabhi haar nahi hoti.
Asafalta ek chunauti hai sweekar karo,
kya kami rahe gayi dekho aur sudhar karo,
jab na safal ho neend chain ki tyago tum,
sangharshon ka maidan chod mat bhaago tum,
kuch kiya bina hi jaijaikar nahi hoti,
koshish karnewalon ki kabhi haar nahi hoti.